Thursday, October 24, 2013

Gadeer-e-Khum Ki Daasataa Bayaa'n Karo Waqar Se

1.Gadeer-e-Khum Ki Daasataa Bayaa'n Karo Waqar Se
Hame Mila Wali Ali(As), Dasht-E-Shaharyaar Se

2.Yeh Rizq Kaun De raha Zameen-O-Asmaan Se
Yeh Kainaat Chal Rahi Hai Kis Ke Akhtiyaar Se

3.Hai Kis Ke Haath Me, Hayat-O-Maut Saupna
Pata Chalega Sab Ko Apne Aap Ehtezaar Se

4.Kamal Kar Gaya Hai Zakiro Ka Zikr Aaj Kal
Bayan-E-Haq Suna Rahe Hai Cheekh Aur Pukar Se

5.Khuda Ka Azm Hai Yahi Suna Do Hukme Rab Nabi
Ali Hai Ja Nashee Tera Khuda Ke Akhtiyaar Se

6.Be Khauf Ab Payame Rab Suna Do Hajiyoo Ko Sab
Tujhe Khuda Bachayega Munafiko Ke kaar Se

7.Suno Me Jis Ka Maula Ho Ali(As) Bhi Uska Maula Hai
Sada yeh gunji rasool saw ki gadeer ke minar se

8.Kiya tha e'teraaz Haarees-e-paleed ne tabhi
fana khuda ne kar diya azaabe sangsaar se

9.Chaman Chaman Kali Kali Shaher Shaher Gali Gali
Saba Khabar Liye Chali Gadeer Ke Diyaar Se

10.Pila De Saqiya Wila Ka Jaam Ba Khuda
Huwa Hai Shaad Dil Mera Gadeer Ki Bahar Se

11.Ali Hai Haq Ke Saath Saath Haq Ali Ke Saath Hai
Yeh Mutanad Hadith Hai Suni Gayee Hazar Se

12.Khilafat-e-Ali(As) Me Har Gareeb Shaad Hai
Hayate Munsefee Mili Ali (As) Ke Iqtedaar Se

13.ye hum safar butool(SA) ka, ye saya bhi rasool ka
Ali(As) Ki Shaan Puchiye Habib-E-Kirdegaar(Saw) Se

14.Qadam jahaan jahaan rakha hai nusrate rasool me
Na tik sakaa wahaa koi Ali(AS) ki shakht maar se

15.Suja the naam ke sabhi palat gaye jehaad se
huwa hai deen surkhuru Ali ki zulfikar se

16.Dua Me Apne Wasate Shareek-E-Rab Bana diya
Yeh Deen Ko Mila Rawaj Kis Sitam She'Aar Se


17.Bahut chupa huwa hai shirk zamane me aaj kal
Khuda bacha zeeshan ko yeh shirk ke she'aar se



This email is free from viruses and malware because avast! Antivirus protection is active.

Friday, April 19, 2013

Aayato ke lab be bhi madh o sana zahra (SA) ki hai

Aayato Ke Lab Pe Bhi Madh O Sana Zahra (Sa) Ki Hai

1
Aaj Ki Mehfil Nabi Ki Mahlaqaa Zahra Ki Hai
Yani Ye Makhsoos Midhat-E-Sayyeda Zahra Ki Hai

2
Mehfil-E-Pur Noor Bint-E-Mustufa Zahra Ki Hai
Ba Adab Baitho Yaha Jaari Sana Zahra Ki Hai

3
Bizatum Minni Pidar Jisko Kahe Wo Dahar Me
Aaj Nazil Ho Gayee Yeh Ibteda Zahra Ki Hai

4
Itrat-O-Quraa Se Jiski Ho Gayee Wabastagi
Roze Mahshar Us Ki Qismat Me Shifa Zahra Ki Hai

5
Cheh Mahine Tak Musalsal Ye Batathe The Nabi
Aaya-Ye-Tatheer Ki Zamin Rida Zahra Ki Hai

6
Ay Yahoodi Kar Le Koshish Har Tarah Ke Makar Se
Mit Nahi Sakte Hussaini Ye Dua Zahra Ki Hai

7
Padhte Hain Tasbihe Zahra Hum Jo Baade Har Namaz
Ye Ibadat Ka Saleeqa Ibteda Zahra Ki Hai

8
Wo Itaa'At, Wo Qana'At Wo Wafa Hai La Misaal
Apne Shauhar Ke Liye Jaisee Wafa Zahra Ki Hai

9
Farsh Yu To Hum Bichate Hai Aqeedat Se Magar
Haq Bayani Ho Jaha Wo Farshe Aza Zahra Ki Hai

10
Martaba Hai Be Misl Jis Ka Do Jahaa Ke Waste
Dekh Wo Jannat Zamine Karbala Zahra Ki Hai

11
Sharm Ki Batein Hai, Bazaro Me Be Parda Rahe
Aabaroo Tum Qaum Ki Ho, Ye Fugaa' Zahra Ki Hai

12
Panjatan Ki Madah Me Aata Hai Sure Hal Ata
Roti Dete Hain Jo Ba Naam-E-Khuda Zahra Ki Hai

13
Chod Kar Malik Ko Apne, Bandagi Jo Karta Hai
Aise Bande Ke Liye Hi Bad Dua Zahra Ki Hai

14
Ta Qayamat Jhuk Nahi Sakta Hai Gaazi Ka Alam
Parchame Abbas Ko chooti, Hawa Zahra Ki Hai.

15
Ek Bahan Ne Jis Tarah Se Farz Poora Kardiya
Fatema Kubra Me Dekho Wo Ziya Zahra Ki Hai

16
Binte Ahmad Se Gawahee Maangne Wale Samajh
Haq Bayani Haq Hai Ke Tujh Se Juda Zahra Ki Hai

17
Kiyo Na Sardare Jina Shabbir O Shabbar Honge
Parwarish Ahmad Ne Ki, Aur Maamta Zahra Ki Hai

18
Hashr Ke Din Duno Ka Saya Hame Mil Jayega
Ek Alam Gaazi Ka Aur Ek Rida Zahra Ki Hai

19
Yu To Karte Hain Nabi (Saw) Taazeem Beti Ki Bahut
Aayato Ke Lab Pe Bhi Madh O Sana Zahra (Sa) Ki Hai

20
Jannatul Firdaus Me Ghar Kar Ata Zeeshan Ko
Ay Khuda Iske Qaside Me Wila Zahra Ki Hai

Friday, March 8, 2013

Khalil Dekhe Muhammad (Saw) Ke Naazneeno Ko

Khalil Dekhe Muhammad (Saw) Ke Naazneeno Ko

1.Ayaa Kiya Hai Bahattar Ne Wo Yaqeeno Ko
Paseena Aane Laga Maut Ke Paseeno Ko

2.Chubee Kaleje Me Akbar Ke Teer Jaise
Hussain Aaye, Palat Tey Hai Aasteeno Ko






3.Kamar Me Auno Muhammad Ke Baandh Kar Patke
Yu Maa Ne Bheja Hai Do Noor Ke Nageeno Ko

4,Tamam Hogi Namazey Hussain Ki Pahle
Habib Kahne Lage Taan Kar Ke Seeno Ko

5.Shaheed Aise Bahattar Kata Ke Sar Apne
Bachaye Doobne Se Deen Ke Safeeno Ko

6.Khuda Ki Rah Me Karbobala Me Sarwar Me
Banaya Dekhle Khake Shifa Zameeno Ko

7.Jaladiye Hai Sitamgar Ne Khaimey Bibi Ke
Naseeb Ghar Bhi Nahi Khuld Ke Makeeno Ko

8.Ali Ki Beti Khadi Be Rida Magar Dekho
Haya Nahi Hai Zara Shaam Ke Laeeno Ko

9.Baleeq Khubo Me Aisa Asar Tha Zainab Ka
Rola Ke Chod Diya Takht Ke Nasheeno Ko

10.Luta Ke Jaan Ko Aoni Yeh Shukr Karte Hai
Khalil Dekhe Muhammad (Saw) Ke Naazneeno Ko

11.Likha Hai Tu Ne Jo Noha Hussain Ka Zeeshan
Sukoon-E Dard Ka Marham Mila Hazeeno Ko