Sunday, December 21, 2014

THE WAQT-E-SAHAR DEE'N KE FIDAKAAR BAHATTER

1. Dekhe Na Sune Aise Hai Khuddar Bahattar
Mar Mitne Ko Hain Deen Pe Tayyar Bahatter

2. Tauheed Ke Gulshan Pe Khiza Aa Nahi Sakti
Khoo'N De Ke Ise Kar Gaye Gulzaar Bahatter

3. Ab Bayyat-E-Fasiq Na Nishaa'N Mit Ke Rahega
Maidaa'N Me Liye Aa Gaye Talwaar Bahatter

4. Har Zulm-E-Yazidi Ko Fana Karne Ki Khatir
Hain Saath Liye Sabr Ka Hatyaar Bahatter

5. Mushkil Me Madad Ke Liye Jab Dee'N Ne Pukara
Labbaik Kaha Nikle Madadgaar Bahatter

6. Ay Karbobala Khaak Teri Khaak-E-Shifa Hai
Ye Auj Ataa Kar Gaye Dee'N Daar Bahatter

7. Thi Pyaas Ki Shiddat Se Ruki Jaan Labo Par
Phir Bhi Na Kiya Pyaas Ka Izhaar Bahatter

8. Aise Na Zamane Me Kahi'N Log Milenge
The Jaise Mile Deen Ko Jarraar Bahatter

9. Zainab (Sa) Ne Kaha Dil Se Bholaya Nahi Jata
Maqtal Me Mere Gum Huwe Gamkhaar Bahatter

10. Khud Seench Gaye Dee'N Ka Shajar Apne Lahoo Se
Aise Bhi Zami'N Par Hain Wafadaar Bahatter

11. Khud Karbobala Degi Yeh Mahshar Me Gawahi
The Waqt-E-Sahar Dee'N Ke Fidakaar Bahatter

12. Zeeshan Shefa'At Ke Liye Ho Na Pareshaa'N
Mil Jayenge Mahshar Me Tarafdaar Bahatter




This email is free from viruses and malware because avast! Antivirus protection is active.

Marsiya Janab-e-Bibi Sakina S.A

Marsiya Janab-e-Bibi Sakina S.A

recited by Masoom Hyder, Lyrics by Zeeshan

1. Topic: Ab khaak pe sona hai meri jaan Sakina (S.A)
2. Date: Thursday 4th Dec 2014 , 10th Safar 1436 Hijri
3. Place: Chimmat pada, Marol Naka, Andheri (W), Mumbai.

Friday, December 12, 2014

Ab Khaak Pe Sona Hai Meri Jaan Sakina

1.  Ab Khaak Pe Sona Hai Meri Jaan Sakina
Baba To Huwe Deen Pe Qurban Sakina

2. Aa Jaao Kaha Ho Mere Bhayya Ali Asgar
Magmoom Hai Masoom Pareshan Sakina

3. Baba Ko Kafan Bhi Na Mayassar Huwa Tere
Afsos, Woh Kaise The Musalman Sakina

4. Pani Na Piya Tere Chacha Ne Labe Darya
Abbas Wafaao Ka Hai Sultan Sakina

5. Aa Beti Mere Seene Pe Soja Tu Sukoo Se
Ek Lasha Pukare Hai Tu Pahchan Sakina

6. Aaya Hai La'Ee Shimr Tere Khaime Ke Nazdiq
Ho Jayenge Ab Zakhmi Tere Kaan Sakina

7. Tareeki Hai Sannata Hai Aa Jaayee Baba
Dam Ghutta Hai Zinda Me Hai Bejaan Sakina

8.  Har Sham Parinde To Chale Jate Hai Ghar Ko
Lekin Teri Manzil To Hai Zindaan Sakina

9. Darbar-E-Yazidi Me Bapaa Kiyo Na Ho Majlis
Jab Mar Gayee Pyasi Hi Wo Mahmaan Sakina

10. Lashe Ko Tere Abide Bimar Uthaye
Roke Huwe Hai Dard Ka Tufaan Sakina

11. tum ne to uthaaye hai qayamat ke masaib
yeh deen-e-mohammad pe hai ahsaan sakina

12. Turbat Ki Ziyarat Teri Ho Jaye Ay Bibi
Zeeshan Ke Dil Ka Hai Ye Armaan Sakina



This email is free from viruses and malware because avast! Antivirus protection is active.

Saturday, October 25, 2014

Shaitan aur insaan

Do Misre:

Lab pe jis ke rahe aayate quran nahi
Shia kya hoga wo shaks musalman nahi
Be namazi azadaar nazar gar aayega
Phir asal me wo shaitaan hy insaan nahi

Tuesday, January 7, 2014

Shabbir Teri Tashna Labi Yaad Rahegi

1.Akbar Tere Marne Ki Ghadi Yaad Rahegi
Ek Baap Ko Neze Ki Ani Yaad Rahegi

2.Islam Ki Khatir Jo Ladi Dashte Bala Me
Wo Jang, Hussain Ibne Ali Yaad Rahegi

3.Aanso Na Rukenge Kabhi Shia'Ane Ali Ke
Sarwar Ki Garibul Watani Yaad Rahegi

4.Jab Tak Hai Mere Jism Me Sanso Ki Rawani
Shabbir Teri Tashna Labi Yaad Rahegi

5.Pamal Shuda Qafila Guzra Tha Jaha Se
Wo Shaam Ke Raste Wo Gali Yaad Rahegi

6.Haq Ke Liye Sar De Diya Ay Kufiya Hum Ko
Shabbir Ki Yeh Darya Dili Yaad Rahegi

7.ROTI HAI ABHI BHAI KO AY AUNO MUHAMMAD
GHAR JAAENGI ZAINAB TO KAMI YAAD RAHEGI

8.Wo Tere Nawase Pe Jo Ayee Thi Musibat
Ta Hashr Ay Makki Madani Yaad Rahegi

9.ALLAH RE QISMAT ME THA KYA HUR KA MUQADDAR
TAQDEER JO EK PAL ME BANI YAAD RAHEGI

10.Ay Humula Bhulonga Na Teere Jafa Ko
Ay Humula Bhulega Na tu apni Jafa Ko
Nanhe Se Mujahid Ki Hansi Yaad Rahegi

11.Shabbir Ke Gam Se Hai Mere Dil Me Ujala
Ashoor Teri Teera Shabi Yaad Rahegi

12.HUM BHOOL NAHI SAKTE HAI QASIM KI SHAHADAT
MAYYAT TERI TUKDO ME BATI YAAD RAHEGI

13.BAZOO TO QALAM KARDIYA MALUOON NE LEKIN
ABBAS NE JO MASHK BHARI YAAD RAHEGI

14.TA UMR LAHO ROYENGI SAJJAD KI AAKHE'N
BAZAR ME ZAINAB THI KHADI YAD RAHEGI

15.Duniya Ko Faramosh Mai Karsakta Ho Lekin
Qurbani Teri Aale Nabi Yaad Rahegi

16.Luta Gaya Jis Roz Muhammad Ka Gharana
Wo Din Wo Mahina Wo Sadi Yaad Rahegi

17.Ay Shimr Chalayee Thi Jo Sarwar Ke Gale Par
Zeeshan Ko Wo Kund Churi Yaad Rahegi



This email is free from viruses and malware because avast! Antivirus protection is active.