Sunday, December 13, 2015

Kiyokar na rahe hum ko bahatter ki wafa yaad

1. Zahra ne hame de ke dua dil se kiya yaad
Har saans ke ho saath, hamein karbo bala yaad

2. Sar de ke har ek haal me islaam bachaya
Kiyokar na rahe hum ko bahatter ki wafa yaad

3. Bhatke na kabhi raah se hargiz yeh musalmaan
Har subah agar uth ke kare karbo bala yaad

4. Ek aan me maula mere taqdeer badal de
Aajaye kisi dil ko agar hur ki adaa yaad

5. Abbas ki aamad pe la'ee is liye bhage
Siffeen ke maujood ko aayee thi wegaa yaad

6. Aashoor guzarne do yeh elaane fatah hy
Jab hogi azaa'n aayegi akbar ki sada yaad

7. Har qaum ke afraad tadap jate hy sun kar
Aata hy jo asgar ka gala ran me chida yaad

8. Zainab ki amanat hy ise gaur se sun lo
Rakhna hy hamein majliso matam ki binaa yaad

9. Aanso se rawa hota hy ek khoon ka darya
Zainab ko jo aajati hy dushman ki daga yaad

10. Bartaao se zalim ke na kiyo khauf zadah ho
Zindaan me aati hy sakina ko jafa yaad

11. Badle ki badi aas liye baithe hain maula
Rote hy bahut aati hy zalim ki jafa yaad

12. Zeeshan azab hy yeh ibadat ka saleeqa
Sarwar ne kiya sajda zamane ko raha yaad



Avast logo
This email has been checked for viruses by Avast antivirus software.
www.avast.com

Tuesday, November 24, 2015

AB KHAAK PE SONA HAI MERI JAAN SAKINA

1.  Ab Khaak Pe Sona Hai Meri Jaan Sakina
Baba To Huwe Deen Pe Qurban Sakina

2. Aa Jaao Kaha Ho Mere Bhayya Ali Asgar
Magmoom Hai Masoom Pareshan Sakina

3. Baba Ko Kafan Bhi Na Mayassar Huwa Tere
Afsos, Woh Kaise The Musalman Sakina

4. Pani Na Piya Tere Chacha Ne Labe Darya
Abbas Wafaao Ka Hai Sultan Sakina

5. Aa Beti Mere Seene Pe Soja Tu Sukoo Se
Ek Lasha Pukare Hai Tu Pahchan Sakina

6. Aaya Hai La'Ee Shimr Tere Khaime Ke Nazdiq
Ho Jayenge Ab Zakhmi Tere Kaan Sakina

7. Tareeki Hai Sannata Hai Aa Jaayee Baba
Dam Ghutta Hai Zinda Me Hai Bejaan Sakina

8.  Har Sham Parinde To Chale Jate Hai Ghar Ko
Lekin Teri Manzil To Hai Zindaan Sakina

9. Darbar-E-Yazidi Me Bapaa Kiyo Na Ho Majlis
Jab Mar Gayee Pyasi Hi Wo Mahmaan Sakina

10. Lashe Ko Tere Abide Bimar Uthaye
Roke Huwe Hai Dard Ka Tufaan Sakina

11. tum ne to uthaaye hai qayamat ke masaib
yeh deen-e-mohammad pe hai ahsaan sakina

12. Turbat Ki Ziyarat Teri Ho Jaye Ay Bibi
Zeeshan Ke Dil Ka Hai Ye Armaan Sakina



Avast logo
This email has been checked for viruses by Avast antivirus software.
www.avast.com

HAL E DIL KISKO AB SUNANA HAI

1.Hal E Dil Kisko Ab Sunana Hai
Ghair Apne Liye Zamana Hai

2.Gham Utha Lena Ay Mere Dukhtar
Nana Ke Deen Ko Bachana Hai

3.Bhai Asgar Ko Yaad Karti Hoo
Mujhko Jhula Use Jhulana Hai

4.Aag Daman Pe Na Laga Zalim
Baage Zahra Ka Ye Gharana Hai

5.Jal Gaye Bad E Shah Khaime Bhi
Na Koi Ghar Hai Na Thikana Hai

6.Ab Rihayee Kahaa Hai Qismat Me
Qaid Hi Mera Aashiyana Hai

7.Chain Aataa Nahi Sakina Ko
Usko Baba Ke Paas Jana Hai

8.Shimre Maloon Cheen Le Gauhar
Dil Nabi Ka Agar Dukhana Hai

9.Apne Baba Ko Ro Nahi Sakti
Shimr Ke Paas Taaziyana Hai

10.Gazi Abbas Laut Kar Aaoo
Sham Ke Bazaar Se Guzarna Hai

11.Ghusl Deti Hai Jisko Ghassala
Phool Ismat Ka Wo Yagana Hai

12.Dafn Abid Kare Bahen Kaise
Tauq Gardan Me Zakhmi Shana Hai

13.Rah Gayi Binte Shahe Di Tanha
Qafela Shaam Se Rawaana Hai

14.Khoon Rota Hon Soch Kar Zeeshan
Ghar Sakina Ka Qaid Khana Hai








Avast logo
This email has been checked for viruses by Avast antivirus software.
www.avast.com

THA SAKINA KE LAB PAR YEH NOHA

1.Tha Sakina Ke Lab Par Yeh Noha
Laash Baba Ki Urya Padi Hai
Tha Sakina Ke Lab Par Yeh Noha
Laash Baba Ki Urya Padi Hai

2.Bhai Akbar Na Asgar Na Qasim
Mere Abbas Hai Mujh Se Nadim
Door Hum Se Chacha Ho Gaye
Laash Baba Ki Urya Padi Hai

3.Mai Jeeoungi Kis Ke Sahare
Mar Gaye Hy Chacha Bhi Hamare
Kis Se Faryad O Shikwa Karongi
Laash Baba Ki Urya Padi Hai

4.Be Rida Meri Phuphi Khadi Hai
Neel Baazo Me Iske Padi Hai
Aag Daman Me Mere Lagi Hai
Laash Baba Ki Urya Padi Hai

5.Mangate Hai Kaneezi Me Mujh Ko
Be Haya Hai Yeh Dushman To Dekho
Hum Pe Kaisi Musibat Padi Hai
Laash Baba Ki Urya Padi Hai

6.Sirf Sajjad maula bache hai
Sar kataye to sab so gaye hai
Bhai majboor hy jo kafan de
Laash Baba Ki Urya Padi Hai

7.Ek Nazar Gaur Se Mujh Ko Dekho
Mera Kurta Jala Aur Phata Hai
Goshware La'Ee Ne Hai Cheene
Laash Baba Ki Urya Padi Hai

8.Roshni Hai Hawa Hai Na Saya
Shimr Ne Mujh Ko Behad Sataya
Haath Rassi Se Bandhe Shaqi Ne
Laash Baba Ki Urya Padi Hai

9.Dekh Kar Qaid Khane Ko Baba
Sochati Ho Mai Din Raat Baba
Kab Rihaee Milegi Yaha Se
Laash Baba Ki Urya Padi Hai

10.Kaisa Zindaan Ka Ye Andhera
Maine Dekha Nahi Hai Savera
Neend Aati Nahi Hai Yaha Par
Laash Baba Ki Urya Padi Hai

11.Dard Pucho Yatemi Ka Mujh Se
Uth Gaya Saya Baba Ka Sar Se
Kaun Seene Pe Mujhko Sulaye
Laash Baba Ki Urya Padi Hai

12. Kyo Na masoom zeeshan roye
Jin ki shahzadi baba ko roye
marte dam tak sakina pukari
Laash Baba Ki Urya Padi Hai



Avast logo
This email has been checked for viruses by Avast antivirus software.
www.avast.com

BAIN THA SAKINA KA LE CHALO WATAN BHAYYA

Bain Tha Sakina Ka Le Chalo Watan Bhayya
Haaye Kaisa Zindaa'N Hy Hoti Hy Ghutan Bhayya

Aaoo Aa Ke Khulwa Do Dam Kahi Na Ghut Jaaye
Zalimo Ne Baandhi Hy Kas Ke Yu Rasan Bhayya

Neend Bhi Nahi Aati Zindagi Ajeeran Hy
Thak Gayee Bahan Ab To Kar Ke Har Jatan Bhayya

Raah Me Jo Roti Thi Yaad Karke Baba Ko
Marta Tha Durro Se Shimr-E-Bad Chalan Bhayya

Rakh Diya Tha Baba Ne Garm Ret Par Phir Bhi
Pa Saka Na Ek Qatra Mera Gulbadan Bhayya

Khaardaar Durro Se Jism Ho Gaya Neela
Kya Bataao Kaisi Me Hoti Hy Jalan Bhayya

Mai Nikal Rahi Thi Jab Jalte Huwe Khaimey Se
Saath Mere Kurte Ke Jal Gaya Badan Bhayya

Mai Utho Jo Duniya Se Akhari Tamanna Hy
Daamane Eba Tera Ho Mera Kafan Bhayya

Marsiya Sakina Ka Kah Raha Tha Jab Zeeshan
Mere Hi Masaib Ke Lab Pe The Sukhan Bhayya

Sunday, March 15, 2015

Ali ki Shaan Poocheye Habeeb-e-Kirdegaar se





1.Gadeere Khum Ki Daasataa Bayaa Karo Waqar Se
Hame Mila Wali Ali(As), Dasht-E-Shaharyaar Se

2.Tamaam Hamd Hai Khuda Ke Wasate Zahan Me
Sipas-e-Rab na karsaka kabhi me ikhtesaar se

3.Yeh Rizq Kaun De raha Zameen-O-Asmaan Se
Yeh Kainaat Chal Rahi Hai Kis Ke Akhtiyaar Se

4.Hai Kis Ke Haath Me, Hayat-O-Maut Saupna
Pata Chalega Sab Ko Apne Aap Ehtezaar Se

5.Kamal Kar Gaya Hai Zakiro Ka Zikr Aaj Kal
Bayan-E-Haq Suna Rahe Hai Cheekh Aur Pukar Se

6.Bhatak Rahee Hai Apni Qaum Gairo Ke Mafaad Se
Kalame Haq-O-Ahle Bait Thaam Ustuwaar Se

7.Khuda Ka Azm Hai Yahi Suna Do Hukme Rab Nabi
Ali Hai Ja Nashee Tera Khuda Ke Akhtiyaar Se

8.Be Khauf Ab Payame Rab Suna Do Hajiyoo Ko Sab
Tujhe Khuda Bachayega Munafiko Ke kaar Se

9.Suno Me Jis Ka Maula Ho Ali(As) Bhi Uska Maula Hai
Sada yeh gunji rasool saw ki gadeer ke minar seuthi rasool(saw) ki gadeer ke dayar se

10.Kiya tha eteraaz harees-e-paleed ne tabhi
fana khuda ne kar diya azaabe sangsaar se

11.Chaman Chaman Kali Kali Shaher Shaher Gali Gali
Saba Khabar Liye Chali Gadeer Ke Diyaar Se

12.Pila De Saqiya Wila Ka Jaam Ba Khuda
Huwa Hai Shaad Dil Mera Gadeer Ki Bahar Se

13.Ali Hai Haq Ke Saath Saath Haq Ali Ke Saath Hai
Yeh Mutanad Hadith Hai Suni Gayee Hazar Se

14.Khilafate Ali(As) Me Har Gareeb Shaad Hai
Hayate Munsefee Mili Ali (As) Ke Iqtedaar Se

15.ye hum safar butool(SA) ka ye saya bhi rasool ka
Ali(As) Ki Shaan Puchiye Habib-E-Kirdegaar(Saw) Se


16.Khuda to naam ka banaa rakha hai kaam ka nahi
Khuda bacha zeeshan ko yeh shirk ke she'aar se



This email has been checked for viruses by Avast antivirus software.
www.avast.com

Saturday, March 7, 2015

Karbala karti rahegi tazkera sajjad a.s ka

Jashn barpa ho raha hy jabaja sajjad ka
Duno alam me hy uncha martaba sajjad ka
Haath ke dhowan ka pani ban gaya laal o gohar
Dekh kar hairaan hy sab mojeza sajjad ka
Shukr ka sajda adaa kar aaj maula mil gaye
Baag e hyder me naya gul khil utha sajjad ka
Bheja hy Allah ne tujh ko bana kar rahbar
Kiyo na khaliq se rahega rabata sajjad ka
Mil gaya hum ko sahifa sayyade sajjad se
Ta qayamat mojeza hy nateqa sajjad ka
poochte ho kiyo munafiq se sirate e haq bhala
bas use apna lo jo hai rasata sajjad ka
Dafn Karne Apne Baba Ko Wo Aaye The Nazar
Mojeza aisa dekhata hy khuda Sajjad Ka
Bil Yaqee'N Teri Dua'yen Mustajaab Ho Jayegi
Maang Rab Se Apne De Kar Waasta Sajjad Ka
Kaise Bholegi Lahoo Rona Imam-E-Waqt Ka
Karbala Karti Rahegi Tazkera Sajjad Ka
Kya Asar hy ki Hussaini Ho Gaya Zeeshan Wo
Jab Bhi Jis Ne bhi Suna hai Marsiya Sajjad Ka