Tuesday, April 19, 2016

HAMAARA REHNUMA HAI HAIDER E QARRAR SADYO'N SE

🌹 HAMAARA REHNUMA HAI HAIDER E QARRAR SADYO'N SE 🌹

🌹 Fiza me gunjati aawaaz ki takraar sadiyo'n se
Yaqinan momino ka hy Ali (a.s) sardar sadiyo'n se

🌹 Rahe sarsabz kyu'n na deen ka gulzar sadiyo'n se
Hifazat kar rahe hain Haidar e karrar (as) sadiyo'n se

🌹 Ali(a.s) ka tazkera karte nahi jo bhi muharram me
Guzarte waqt hy unke yu hi bekaar sadyo'n se

🌹 Khalifa ek do aur teen ka iqraar kaise ho
Meri teenat ko hy yeh ya Ali (a.s) inkaar sadyo'n se

🌹Meri naqis zubaa'n se, kya bayaa'n ho martaba unka
Ali(a.s) ki shaan me jo kahte hain ashaar sadyo'n se

🌹Wilayat se Ali(a.s) ki ho,  jinhe inkaar wo sun le
Unhi se kahti hy ahlan wa sahlan naar sadyo'n se

🌹Mila na dhond ne se peer koi, cheley ko lekin
Hamaara rehnuma hai haydar e qarrar sadyo'n se

🌹Koi kya hum ko dahshat gardi ki taleem de jaaye
Ali (a.s)  ke chahne wale to hain bedaar sadyo'n se

🌹Musalmano ke ghar me hy,  yeh barkat ke liye jab ke.
Uthate fayda qur'aan se agyaar sadyo'n se.

🌹Mai shaydayee Ali(a.s)  ka hoo,  Mujhe Zeeshan kahte hai.
Mere haatho rahi ban ke qalam talwaar sadyo'n se

✍ zeeshan aazmi
20th April 2016

No comments:

Post a Comment

Your comments are appreciated and helpful. Please give your feedback in brief.