Monday, April 11, 2016

Kahani meri muhabbat ki june mah se hy - ghazal


GHAZAL:

🌹 Kahani meri muhabbat ki june mah se hy
Abi talak ye salamat, jamaal o jaah se hy

🌹Sukoon kaise gulistan e ishq me hoga
Kheza bahar ke badle mohib ki aah se hy

🌹Gali gali se chale the jaha jaha par hum
Mujhe to ishq wo har ek jaaye gaah se hy

🌹Mai zindagi me yaqinan bhala bana hota
Na kaamyabi ki illat mere gunah se hy

🌹Tujhe mai bhoolna chaho to gair mumkin hy
Mere khayal pe galba teri nigah se hy

🌹Hamare khaab ka rishta jo dekhte the hum
Abhi talak ye musalsal tumari chah se hy

🌹Hamare sher ka aashiq hi dard samjhega
Ye samaeen ko matlab to wah wah se hy

🌹Yaha nahi to kahi aur mail hona hy
Mujhe to aisi hi Ummeed apni raah se hy

🌹Sikha de falsafa zeeshan ko mohabbat ka
Pukar is ki khudaya namaz gaah se hy

No comments:

Post a Comment

Your comments are appreciated and helpful. Please give your feedback in brief.