Monday, April 25, 2016

QASIDA JANAB E ZAINAB(SA) KI SHAAN

🌹QASIDA JANAB E ZAINAB(SA) KI SHAAN  🌹

🌹1. Islaam ko zamane ne kya kya bana diya.
Afsos ke nabi ko ajab sa sila diya.

🌹2. Chakkar me waah waah ke mufsid khateeb ne.
Becharey saamaeen ko kya kya suna diya.

🌹3. Phans kar yaha zamane ke rasmo rawaj me.
Har ek ne ghar ke taaq pe quraa'n saja diya.

🌹4. Matlab parast logo ne kuch apne zikr se.
Insaaniyat ki aql ko kese pha'nsa diya.

🌹5. Kashti hamari qaum ki manzil pe thi magar.
Firqa parast logo ne aa kar dubaa diya.

🌹6. Afsoos jis ko khauf e ilahi nahi hy kuch.
Masjid ka us laee'n ko mohafiz bana diya.

🌹7. Kiyo aaj ittehad nahi anjuman me hy.
jo ahal Mansabo'n ka tha us ko hataa diya.

🌹8. Ta'leem kuch nahi hy ke qur'aan padh saku'n.
Hala'nke maulavi ne sabaq sab padha diya.

🌹9. Karta hoo madha saniye zahra ki ab shuro.
Jo mere dil me baat thi mene suna diya.

🌹10. Binte Ali ne bachcho ko yu hausala diya.
Jitni talab thi pyas ki us ko mita diya.

🌹11. Binte Ali(s.a) ne aisa, wo khutba suna diya.
Lahja Ali ka saare jahaa'n ko bata diya.

🌹12. Jis ke liye yazid lada tha hussain se.
Abbas ki bahan ne, wo takhta hila diya.

🌹13. Qaidi bana ke rakhkha tha islaam ko jaha'n.
Zainab ne wo yazeedi ilaqa jala diya.

🌹14. Jo apni saltanat ko samajhta raha eram
Zainab ne wo hi shaam ka his'sa jala diya.

🌹15. Ban kar hussain, sham e gariba ke baad me.
Zainab ne  deene haq ka moqaddar jaga diya.

🌹16. Zainab ne tashnagi pe kiya aisa sabr ke
Saare jaha se zulmo sitam ko mita diya.

🌹17. Zainab ne apni chadar e tatheer ke sabab.
Taarikh e karbala ka jahaa'n ko pata diya.

🌹18. Hyder ki laadli ne khitabat ki dhar se.
Jhoothi yazidi shan ko poora baha diya.

🌹19. Dam tod kar sakina ne zindaan e sham me.
Farshe aza yazid ke ghar me bicha diya.

🌹20. Ghar laut ne se pahle wo qasr e yazid par.
Bint e Ali ne deen ka parcham laga diya.

🌹21. Allah ne hussain ki midhat ke wasate.
Zeeshan ko hussain ka shayer bana diya.

✍ zeeshan aazmi
Mon 25th April 2016

2 comments:

  1. Mehfil me raat bhar ki mujhe itna thaka diya
    Aazaan e fajr huwee gashi ne sulaa diya

    Akhlaaq aaj qaum ke bachcho ka dekhiye
    Dil ko maza jo dede wo nara laga diya

    Mehfil ne raat bhar mujhe itna thaka diya
    Aazaan e fajr huwee gashi ne sulaa diya

    ReplyDelete
  2. This comment has been removed by a blog administrator.

    ReplyDelete

Your comments are appreciated and helpful. Please give your feedback in brief.