Tuesday, April 26, 2016

Wo hy jaane fasahat aur hy taqreer zainab ki

🌹 BIBI SAKINA(SA) KI MANQABAT 🌹

🌹1. Bhatiji hai sakina ya ke hy tanveer Zainab(s.a) ki
Yeh shahzadi hy har ek mod par tauqeer Zainab(s.a) ki

🌹2. Mita degi sakina zulm ke har ek elaaqe ko
Yahi hy dukhtare shabbir aur tasweer zainab ki

🌹3. Hila kar kiyo na rakh degi sakina takht e shaahi ko
Wo hy jaane fasahat aur hy taqreer zainab ki

🌹4. Qayamat tak Koi waris na hoga shamo kufa ka
Sakina ne banaya hy use jageer zainab ki

🌹5. Yazeedi nasl mit jaye qayamat tak zamane se
Kare gar bad dua unke liye dilgeer zainab ki

🌹6. Kare na fakhr kyo abbas bhi aisi bhatiji par
Bani thi karbala se shaam tak shamsheer zainab ki

🌹7. Saja ke rakh diya binte Ali ke khaab ko ghar ghar
Sakina baani hy majlis ki aur ta'beer zainab ki

🌹8. Wazife ka tere zeeshan hy mohtaaj ay bibi
dua uske liye kardein, tu hy tatheer zainab ki

✍ zeeshan aazmi

No comments:

Post a Comment

Your comments are appreciated and helpful. Please give your feedback in brief.