Monday, May 16, 2016

Darya pe alamdar ka qabza hai abhi tak

🌹1. Chaudah so baras ho gaye saqqa hy abhi tak
Chullo me uthaye huwe darya hy abhi tak

🌹2. Saqqa e sakina ki sabeelo ko lagana
Hum ahle aza par bada qarza hy abhi tak

🌹3. Abbas ke chullu ke har ek aab ka qatra
Ghut ghut ke samander me wo marta hy abhi tak

🌹4. Be tegh jo abbas ne mara hy la'ee'n ko
Nazro me qayamat ka wo lamha hy abhi tak

🌹5. Parcham ke qaree'n aa nahi sakta koi dushman
Abbas ka kheencha huwa naqsha hy abhi tak

🌹6. Haato'n ko qalam karne se jukta nahi parcham
Abbas ka mansoor pharera hy abhi tak

🌹7. Abbas me bandha tha jo mashkiza alam par
Kya shaan se parcham me wo lipta hy abhi tak

🌹8. Ta hashr bina haato'n ke lahraega parcham
Abbas alamdari me yakta hy abhi tak

🌹9. Shayer tujhe sajde ka koi ilm nahi hy
Sajde ki ibaarat se tu khela hy abhi tak

🌹10. Kahti hy badi shaan se darya ki rawani
Darya pe alamdar ka qabza hai abhi tak

🌹11. Zalim ke har ek zulm ko moqoof jo kar dey
Zeeshan wo Abbas me nuqta hy abhi tak

✍ zeeshan aazmi

No comments:

Post a Comment

Your comments are appreciated and helpful. Please give your feedback in brief.