Saturday, June 25, 2016

Bine muljim ne Haidar par kiya hai waar sajde me

Bine muljim ne Haidar par kiya hai waar sajde me

🌹1. Mere maula ko zalim ki lagi talwaar sajde me
Laho bahta raha logo sare rukhsaar sajde me

🌹2. Karenge majliso matam ali ke chahne wale
Huwe hain qatl maula bekaso lachaar sajde me

🌹3. Bilak kar roye na kiyonkar gharana Aal e Ahmad ka
Abu talib ke bete par chali talwar sajde me

🌹4. Namaz e fajr ka manzar ye dekha hy musalmaN ne
Bine muljim ne Haidar par kiya hai waar sajde me

🌹5. Yateema ho gayee hy zainab o kulthoom ramazaN me
Ali ka khoon se ranggeen hy dastaar sajde me

🌹6. Saro ko peet te hain shabbar o shabbir yeh kah kar
Huwe zakhmi dagha se hydar e qarrar sajde me

🌹7. Zamane ko bata kar raaz apni kaamyabi ka
Ali karte rahe Allah ka deedar sajde me

🌹8. Khuda ki marefat hogi tumhe zeeshan pal bhar me
Agar dil se karo zikre khuda ek baar sajde me

✍ Zeeshan aazmi

Monday, June 20, 2016

Madh e Imam e Hasan (as)

🌹 Madh e Imam e Hasan (as) 🌹

🌹Karte hy khairat maal o zar Hasan (as)
Hy sabhi ke monis o Yawar Hasan (as)

🌹Khush ho momin neemae ramazan me
aagaye hy fatema ke ghar Hasan(as)

🌹Chaudavi ka chand bhi kahne laga
marhaba tera rukhe anwar Hasan(as)

🌹Mahe ramaza me wiladat bhi huwi
aur huwe faaez imamat par Hasan(as)

🌹Karne ko aale umayya be naqab
Aayen ibne fatahe khaibar Hasan (as)

🌹 Sulha kar ke dushmane islam se
Karbala ek kar chuke hy sar Hasan(as)

🌹Dekhiye ghar ghar razab ke maah me
aaj bhi baqi tera langar Hasan(as)

🌹Maine dekha hikmat o akhlaaq me
Hobahoo lagte hain paigamber Hasan(as)

🌹Bil yaqee'n to hi hy farzande Nabi(saw)
karta hy zahir tera jouhar Hasan(as)

🌹Hy khulasa manqabat ka bas yahi
Jauhare akhlaq ka mahwar Hasan(as)

🌹Manzilo ki fikr kya zeeshan ko
Jab talak hy saath me rahbar Hasan(as)

✍ Zeeshan Aazmi

Wednesday, June 15, 2016

Rahega hashr tak islaam par saaya khadeeja ka

*Rahega hashr tak islaam par saaya khadeeja ka*

🌹Mubarak ho gaya islam me aana khadija ka
Isi baaes mila ummat ko sarmaya khadija ka

🌹Ali wale bhula sakte nahi ahsaan bibi ka
Rago me daudta hy naan aur nafqa khadija ka

🌹Musalmano ye sach hy ke badaulat fatima zahra
Rahega hashr tak islaam par saaya khadeeja ka

🌹Dua ki Aap ki khatir utar kar qabr me rab se
Khuda Jaane fazilat kya hy kya rutba khadija ka

🌹Khulega raaz batin ka agar zeeshan ye kah de
Bada kaam aaya ummat ke liye sadqa khadija ka

🌹مبارک ہو گیا اسلام میں آنا خدیجہ کا
اسی باعث ملا امّت کو سرمایہ خدیجہ کا

🌹علی والے بھولا سکتے نہیں احسان بی بی کا
رگوں میں دوڑتا ہے نان اور نفقہ خدیجہ کا

🌹مسلمانو یہ سچ ہے کہ بدولت فاطمہ زہرا
رہیگا حشر تک اسلام ہر سایہ خدیجہ کا

🌹دعا کی آپ کی خاطر اتر کر قبر میں رب سے
خدا جانے فضیلت کیا یے کیا رتبہ خدیجہ کا

🌹کھولیگا راز باطن کا اگر ذیشان یہ کہ دے
بڑا کام آیا امّت کے لئے صدقہ خدیجہ کا

  ✍ zeeshan aazmi

Janaza uth raha hai maadar e umme abeeha ka

*Janaza uth raha hai maadar e umme abeeha ka*

🌹Baya'n kya ho zuba'n se martaba bibi khadija ka
salaam inke liye aata raha allah ta'alaa ka

🌹Nabi kije ziyarat aakheri bibi khadija ki
Janaza uth raha hai maadar e umme abeeha ka

🌹Kafan khaliq ne bheja tha nabi ki zauja ki khatir
Zamaana dekh aala martaba aisa khadija ka

🌹Judai maa ki beti se bada hy dard ka manzar
Utha saya jo madar ka hazee'n tha qalb zahra ka

🌹Nabi ke wasate zeeshan aamul hizn kiyo na ho
Jaha'n se jab utha saya abutalib ka zauja ka

🌹بیاں کیا ہو زباں سے مرتبہ بی بی خدیجہ کا
سلام ان کے لئے آتا رہا اللہ تعالی کا

🌹نبی کیجے زیارت آخری بی بی خدیجہ کی
جنازہ اٹھ رہا یے مادرِ امّمِ ابیہا کا

🌹کفن خالق نے بھیجا تھا نبی کی زوجہ کی خاطر
زمانہ دیکھ اعلی مرتبہ ایسا خدیجہ کا

🌹جدائی ماں کی بیٹی سے بڑا ہے درد کا منظر
اٹھا سایہ جو مادر کا حزیں تھا قلب زہرا کا

🌹نبی کے واسطے ذیشان عام الحزن کیوں نہ ہو
جہاں سے جب اٹھا سایہ ابوطالب کا زوجہ کا

✍ zeeshan aazmi

Wednesday, June 8, 2016

karo tum apne nafso ki taharat maahe ramzaa'n me

1. Khuda se hogi bando ki tijarat maahe ramzaa'n me
ewaz aamal ke payega jannat maahe ramaza'n me

2. Barasta aasama se abr e rahmat maahe ramaza'n me
Padho quran ghar me hogi barkat maahe ramaza'n me

3. Mubarak maah me hazrat Hasan(as)  tashreef layen hain
Mubarak rozadaro ko wiladat maahe ramzaa'n me

4. Ali ke laal ko haasil faqat aisi fazeelat hai
Mili roze me shabbar ko imamat maahe ramzaa'n me

5. Kabhi bhi tark na karna, Khayal iska rahe tum ko
Badi barkat ki hamil hy jama'at maahe ramzaa'n me

6. Misalein dhond lo har mulk me gar bhai chare ki
Milega ek hamara desh bharat maahe ramzaa'n me

7. Khuda se yeh dua hoti hy meri qabl iftari
Tu Shia'ane Ali ko rakh salamat maahe ramaza'n me

8. Zamaana yaad rakhkhega Ali ka aakheri sajda
Ibadat me hai di aysi shahaadat maahe ramaza'n me

9. Badan aur rooh ka roza khuda ki raah me rakh kar
karo tum apne nafso ki taharat maahe ramzaa'n me

10. Kayee barso se yeh zeeshan ke dil ki tamanna hy
Imame Asr(as) ki kar lo ziyarat maahe ramzaa'n me

Wednesday, June 1, 2016

Mezbaa hai rozadaro ka khuda ramzaan me

🌹RAMADHAN MUBARAK 🌹

🌹1. Kya karam bando pe Rab ne kar diya ramazan me
Roze awwal qaid shaita'n ko kiya ramzaan me

🌹2. Marhaba kaisa sharaf hum ko mila hy dekhiye
Mezbaa hai rozadaro ka khuda ramzaan me

🌹3. Aayate quran ki padh yeh ghanimat jaan kar
Mauqa khaliq ne tilawat ka diya ramazan me

🌹4. Sal bhar achchi sahat rahti hai meri dosto
Roza rakhta hu to milti hai shifa ramzan me

🌹5. Yeh ibadat, mushkiley sab door kardegi teri
waqt-e-ifatari khuda se kar dua ramazan me

🌹6. Apne maula ki wiladat ho mubarak momino
Fatima ke ghar me aaye mujtaba ramazan me

🌹7. Neema-e-ramazan hai aur lab pe mere ya hasan
Rozadaro shab me ho jashn-e-wila ramazan me

🌹8. Barkato ka hy mahina kuch utha le faida
Kam se kam sote muqaddar ko jagaa  ramazan me

🌹9. Ibne muljim ne lagaya zarb maula ko mere
Ho gaye rukhsat jaha'n se murtuza (as) ramzan me

🌹10. Hai hazaro shab se bahter qadr ki shab momino
Likhte hy har ek malak qadro qaza ramazan me

🌹11. Chahe jab so jaao wo bhi hai ibadat me shumar
Aisa mauqa rozadaro ko mila ramazan me

🌹12. Inquilab iran me ba name yaum-e-quds ke
Alvidaee jum'a  se qayam huwa ramazan me

🌹13. Mutaqqi ban jayega pahle hi eidul fitr ke
Eidi gar zeeshan ko dede khuda ramzaan me

١. کیا کرم بندوں پہ رب نے کر دیا رمضان میں
روزِ اوّل قید شیطاں کو کیا رمضان میں

٢. مرحبا کیسا شرف ہم  کو ملا ہے دیکھئے
میزباں ہے روزہ داروں کا خدا رمضان میں

٣.آیتِ قرآن کی پڑھ یہ غنیمت جان کر
موقع خالق نے تلاوت کا دیا رمضان میں

٤. سال بھر اچھی صحت رہتی ہے میری دوستو
روزہ رکھتا ہوں تو ملتی یے شفا رمضان میں

٥. یہ عبادت مشکلیں سب دور کردیگی تیری
وقتِ افطاری خدا سے کر دعا رمضان میں

٦. اپنے مولا کی ولادت ہو مبارک مومنوں
فاطمہ کے گھر میں آئیں ہیں مجتبی رمضان میں

٧. نیمئے رمضان  ہے اور لب پر میرے یا حسن
روزہ داروں شب میں ہو جشنِ ولا رمضان میں

٨. برکتوں کا مہینہ ہے کچھ اُٹھا لے فائدہ
کم سے کم سوتے مقدّر کو جگا رمضان میں

٩. ابنِ ملجم نے لگایا ضرب مولا کو میرے
ہو گئے رخصت جہاں سے مرتضی رمضان میں

١٠. ہے ہزاروں شب سے بہتر قدر کی شب مومنوں
لکھتے ہیں ہر اک ملک قدروقضا رمضان میں

١١. چاہے جب سو جاؤ وہ بھی ہے عبادت میں شمار
ایسا موقع روزہ داروں کو ملا رمضان میں

١٢. انقلاب ایران میں بہ نامِ یومِ قدس کے
الوداعی جمعہ سے قائم ہوا رمضان میں

١٣. متّقی بن جائگا پہلے ہی عیدالفطر کے
عیدی گر ذیشان کو دیدے خدا رمضان میں

✍ zeeshan aazmi

Ghaybat-e-kubra me dee'n ka rehnuma hai mujtahid

*GHAYBAT E KUBRA KA RAHNUMA*

1. Kashtiy-e-deen-e-khuda ka na khuda hai mujtahid
Naaeb-e-Mehdi ka sachcha qafila hai mujtahid

2. Har zamane ko sikhane darse ahkame jadeed
Mahdiy-e-dee'n ka numaainda bana hai mujtahid

3. Kiyo nahi barbad hoga, khirman-e-batil yaha
Samane har ek ke zinda karbala hai mujtahid

4. Muntakhab jamhuriyat tha, na iraqi saltanat
Samjho to haqqaniyat ka faisala hai mujtahid

5. Zindagiy-e-Khamenaee ye bata degi tumhe
Ibteda se inteha tak paarsa hai mujtahid

6. Kahti hai Sistani sahab ki mata-e-zindagi
Bad-e-Mahdi ilm-e-dee'n se purziya hai mujtahid

7. Najish-e-duniya me insaa'n kho gaya hai aaj bhi
Fiqh ke maidan me tanha khada hai mujtahid

8. Yeh asar dekha hy hum ne baap ki taaleem ka
Har gali kuche me akhbari bana hy mujtahid

9. Ye imam-e-asr ka farmaan milta hai hame
Ghaybat-e-kubra me dee'n ka rehnuma hai mujtahid

10. Bach ke rahna dushman-e-dee'n khama-e-zeeshan se
Shayeri me iski haq ka tarjuma hy mujtahid

✍ zeeshan aazmi

*غیبتِ کبری کا رہنما*

ا. کشتئے دینِ خدا کا ناخدا ہے مجتہد
نائبِ مہدی کا سچّا قافلہ ہے مجتہد

٢. ہر زمانہ کو سکھنے درسِ احکامِ جدید
مہدیئے دیں کا نمائندہ بنا ہے مجتہد

٣. کیوں نہیں برباد ہوگا خرمنِ باطل یہاں
سامنے ہر اک کے زندہ کربلا ہے مجتہد

٤. منتخب جمہوریت تھا نا کے عراقی سلطنت
سمجھو تو حقّانیت کا فیصلہ ہے مجتہد

٥. زندگیئے خامنائی یہ بتا دیگی تمھیں
ابتدا سے انتہا تک پارسا ہے مجتہد

٦. کہتی ہے سستانی صاحب کی متاعِ زندگی
بعدِ مہدی علمِ دیں سے پر ضیا ہے مجتہد

٧. نازشِ دنیا میں انساں کھو گیا ہے آج بھی
فقہ کے میدان میں تنہا کھڑا ہے مجتہد

٨. یہ اثر دیکھا ہے ہم نے باپ کی تعلیم کا
ہر گلی کوچے میں اخباری بنا ہے مجتہد

٩. یہ امامِ عصر کا فرمان ملتا ہے ہمے
غیبتِ کبری میں دیں کا رہنما ہے مجتہد

١٠. بچ کے رہنا دشمنِ دیں خامئہ ذیشان سے
شاعری میں اسکی حق ترجمہ ہے مجتہد

✍ذیشان آظمی