Wednesday, August 24, 2016

Kis me himmat hai jo aajaaye ghazanfar ke qareeb

Kis me himmat hai jo aajaaye ghazanfar ke qareeb

1. Kaun aasakta hai Abbas e dilawar ke qareeb
Hasti kya hai koi bujdil ki bahadar ke qareeb

2. Ghaiz e Abbas se bach sakta nahi koi bashar
Kis me himmat hai jo aajaaye ghazanfar ke qareeb

3. Fauj e baatil ko rulaaya hai tabassum se faqat
Maut aajaati jo aataa koi Asgar ke qareeb

4. Teen din pyasa tha shabbir ka beta phir bhi
Tik nahi  paaye sitamgaar bhi akber ke qareeb

5. Jurrat e Guftugu karna nahi na paak yazeed
Ab bhi fizza hai khadi dukhtare hyder ke qareeb

6. Koi zeeshan ye samjha hi nahi haq ki qasam
Marefat kya thi ilahi ki bahattar ke qareeb

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.