Monday, August 1, 2016

Tum abusufyaan ke or ham abutalib ke saath

*Tum abusufyaan ke or ham abutalib ke saath*

1. Hum karenge dahr me matam abutalib ke saath
Hai dawa aur zakhm ka marham abutalib ke saath

2. Kufr ka fatwa lagaya kafiro'n ne, aaj dekh
Hai Muhammad aur Ali taaham abutalib ke saath

3. Kiyu'n tumhe inkar hai ay kafiro! Eima'n se jab
Hai ameerul momenee'n har dam abutalib ke saath

4. Khatm ho jae'n gi dehshat gardiya'n dunya se khud
Ay musalma aa utha parcham abutalib ke saath

5. Dono ke aamaal se ay dost yeh zaheer hai aaj
Tum abusufyaan ke or ham abutalib ke saath

6.  Kyo'n na ay Zishan charcha us ke eima'n ka karu'n
Jab ke the paigambere akram abutalib ke sath

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.