Monday, October 31, 2016

Shabbir ke maqsad ki nighebaañ hai sakina

Shabbir ke maqsad ki nighebaañ hai sakina

1. Baba ke liye ran me pareshañ hai sakina
Jaañ rakh ke bhi sad haif ke be jaañ hai sakina

2. Ay shimr yatima ko laga ab na tamache
Pahle se ghame sheh me kharoshañ hai sakina

3. Ji bhar ke phuphi dekhiye bhayya  ki amanat
Zindaan me kuch roz ki mahmaañ hai sakina

4. Sajjad ne dafna ke bahan ko yeh kaha hai
Yeh bhai tere sabr pe qurbaañ hai sakina

5. Zeeshan ne yeh likh ke qalam tod diya hair
Shabbir ke maqsad ki nighebaañ hai sakina

✍ Zeeshan Azmi

Wednesday, October 26, 2016

Koyi sajjad se puche ke aseeri kya hai

Koyi sajjad se puche ke aseeri kya hai

✍1. Asr ke baad jawañ chahre pe peeri kya hai
Kya pata Aabid-e-beemar pe guzri kya hai

✍2. Baap ke gham me sakina ne kaha ro ro kar
Ek yatema hi batayegi yatimi kya hai

✍3. Tune kya soch ke asgar ka gala cheda hai
Hurmula tuhi bata bachche ki ghalti kya hai

✍4. Aabale pau ke dete hai sada raho me
Koyi sajjad se puche ke aseeri kya hai

✍5. Bole sheh wadaye tifli ko ada karna hai
Ek fidakaar ko akbar ki jawani kya hai.

✍6. Bas wo zeeshan jahannam ka banege indan
Jo nahi jaante shabbir se doori kya hai

✍ Zeeshan Azmi

Saturday, October 15, 2016

ZINDAGI YU'N BHI BAHOT KAM HAI IBADAT KE LIYE

ZINDAGI YU'N BHI BAHOT KAM HAI IBADAT KE LIYE

✴1. Aaj har koi tarasta hai mohabbat  ke kiye
Kiyun uthaten hain qadam insaan nafrat ke liye

✴2. Hashr me deedar hoga gum huwe mashooq ka
Muntazir hoo is liye mai bhi qayamat ke liye

✴3. Kam na hogi ab kabhi nafrat tere kirdaar se
Jaan chahe ay musalmaa de de izzat ke liye

✴.4  Haq ki awaazen utha duniya me lekin yaad rakh
Karbala me the bahattar sar shahadat ke liye

✴5. Kijiye na zikr logon ki Raza pane ko aap
Shayeri, taqreer jo bhi ho sama'at ke liye

✴6.  Kiyun guzaro'n mai bhala yeh dil lagi aur khel me
Zindagi yun bhi bahot kam hai ibadat ke liye

✴7. Aaj yeh zeeshan awqaate musalmaa ho gayee
Ghar kiraye par nahi milte sukunat ke kiye

✍Zeeshan Azmi

Monday, October 10, 2016

Gulshane zahra hai bikhra karbala ki khaak par

Gulshane zahra hai bikhra karbala ki khaak par

✍1. Fauje a'ada ne bahaya karbala ki khaak par
Fatima ke khoo'n ka darya karbala ki khaak par

✍2. Isliye karte hain sajda karbala ki khak par
Khoo'n shahido'n ka mila tha karbala ki khaak par

✍3. Ta qayamat dhondhne ko ek yatima rah gayee
Laasha baba ka sakina karbala ki khaak par

✍4. Haye qasim haye akbar hay asghar mar gaye
Kya sitam zainab pe toota karbala ki khaak par

✍5. Khaak sar par daal kar saydaniya rone lagi
Bazo-e-ghazi jo dekha karbala ki khaak par

✍6. Sayyede sajjad ne shame ghariba, shaah ka
Be kafan dekha hy laasha karbala ki khaak par

✍7. Nikhat-e-deen-e-khuda ke wasate zeeshan dekh
Gulshane zahra hai bikhra karbala ki khaak par

✍Zeeshan Azmi

Monday, October 3, 2016

Zindagi laayi hai hamko fir moharram ke qareeb

*Zindagi laayi hai hamko fir moharram ke qareeb*

✴1. Aayate quran se sabit hai khatam ke qareeb
Farshe gham ajre risalat hi hai mun'am ke qareeb

✴2. Chand yu'n ubhra muharram ka falak par momino
Tashnagi phirti hai jaise  koi shabnam ke qareeb.

✴3. Kya muharram ka mahina aa gaya hai momino
Ya husaina ki sada goonji hai zam zam ke qareeb

✴4. Bol uththi muttahid ho ke yaha insaaniyat
Sheh ka aali martaba hai deen e aqwam ke qareeb

✴5. Aasma'n ho ya zamee'n ya ho koi bhi kahkasha
Hai ghame sarwar ibadat poore aalam ke qareeb

✴6. Maut ke sailab o toofa'n se bachakar ek saal
Zindagi laayi hai hamko fir moharram ke qareeb

✴7. Yeh huwa zeeshan sarwar ki shahadat ka asar
Har koi rahta hai majlis aur maatam ke qareeb

✍ Zeeshan Azmi