Tuesday, February 28, 2017

Jashn Barpa Ho Raha Hy Ja Baja Sajjad Ka

Jashn Barpa Ho Raha Hy Ja Baja Sajjad Ka
Duno Alam Me Hy Uncha Martaba Sajjad Ka

Haath Ke Dhowan Ka Pani Ban Gaya Laal O Gohar
Dekh Kar Hairaa'N Hy Sab Mojeza Sajjad Ka

Shukr Ka Sajda Adaa Kar Aaj Maula Mil Gaye
Baag E Zahra Me Naya Gul Khil Utha Sajjad Ka

Bheja Hy Allah Ne Tujh Ko Bana Kar Rahbar
Kiyo Na Khaliq Se Rahega Rabata Sajjad Ka

Mil Gaya Hum Ko Sahifa Sayyade Sajjad Se
Ta Qayamat Mojeza Hy Nateqa Sajjad Ka

Poochte Ho Kiyo Munafiq Se Sirate E Haq Bhala
Bas Use Apna Lo Jo Hai Rasata Sajjad Ka

Dafn Karne Apne Baba Ko Wo Aaye The Nazar
Mojeza Aisa Dekhata Hy Khuda Sajjad Ka

Bil Yaqee'N Teri Dua'Yen Mustazab Ho Jayegi
Maang Rab Se Apne De Kar Waasta Sajjad Ka

Kaise Bholegi Lahoo Rona Imam-E-Waqt Ka
Karbala Karti Rahegi Tazkera Sajjad Ka

Yeh Asar Dekha Hai Hum Ne Wo Hussaini Ho Gaya
Jis Ne Bhi Zeeshaa'N Suna Hai  Marsiya Sajjad Ka