Saturday, May 13, 2017

Husne Yusuf Aur Husne Mujtaba Kuch Aur Hai


Sham Ke Hakim Pe Chaya Dabdaba Kuch Aur Hai
Bil Yaqee'N Maula Hasan Ka Martaba Kuch Aur Hai

Kahte Hain Ashaar Mujh Se, Madha Kar Tu Ye Soch Kar
Shayeri Aur Madhe Ibne Murtuza Kuch Aur Hai

Rahte Hai Abid, Sanagustar, Tabbaraee Alag
Kya Musalmano Ka Seedha Raasta Kuch Aur Hai

Raat Din Barkat Se Pur Hai Maah Yeh Ramadhan Ka
Mere Maula Ki Wiladat Ka Sama Kuch Aur Hai

Shaam Ke Darbaar Me Be Kauf Maula Ke Qadam
De Gaye Paigaam: Haq Ka Za-Eqa Kuch Aur Hai

Sulhe Shabbar Hai Tamacha Zulm Ke Rukhsaar Par
Dekh Le Duniya Yeh Bhi Ek Maaraka Kuch Aur Hai

Kya Taqabul Ki Ijazat Mil Gayee Ke Hum Kahe
Husne Yusuf Aur Husne Mujtaba Kuch Aur Hai

Bech Mat Zeeshan Kam Qeemat Par Tu Hargiz Ise
Aakarat Me Yeh Qaseede Ka Sila Kuch Aur Hai

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.