Saturday, May 13, 2017

Quraan kar raha hai tilawat hussain

1.Rag Rag Me Bas Gayee Hai Haraarat Hussain (As) Ki
Ghar Kar Gayee Hai Dil Me Muhabbat Hussain (As) Ki

2.Ek noor Aasmaan se utra Ali ke ghar
Takmeel-e-panjatan hai wiladat hussain ki

3.Dekha Jo Kainat Me Manzar Azeeb Tha
Mushrik Bhi Kar Raha Hai Ibadat Hussain (As) Ki

4.Zakir kalame afzalo mafzool ke siwa
mazkoor kar bayan me azmat hussain ki

5.Qudrat me hai shareek bahut sunte hai magar
milti kaha hai aisi kahawat hussain ki

6.Rakh paak rizs o shirk se majlis ko paak tu
hai deen tere paas amanat hussain ki

7.bahtareen amal ibadat-e-parwardigar hai
Aawaaz de rahi hai muwaddat hussain ki

8.jeene ka taur sab ko sikhane ke wasate
duniya ko aaj bhi hai zaroorat hussain ki

9.zillat se bahtareen to izzat ki maut hai
elaan kar rahi hai sadaqat hussain ki

10.ek dopaher me waday-e-tifli ada kiya
Allah tere liye thi chahat hussain ki

11.islaam bach gaya hai hamesha ke wasate
wo kaam kar gayee hai shahadat hussain ki

12.wada khuda ne is ka kiya hai butool se
bazm-e-aza rahegi salamat hussain ki

13.is baat ki gawah hai tareekh-e-karbala
dekha hai dushmano ne shuza'at hussain ki

14.jannat ki boo wo sungh le, uthta nahi sawal
jin ke dilo me hogi adawat hussain ki

15.raazi khuda hai tujhse to raazi khuda se ho
Quraan kar raha hai tilawat hussain

16.dil me basaye kab se hai Zeeshan aarzoo
duniya me ho naseeb ziyarat hussain ki

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.