Saturday, May 13, 2017

Rah ke bhi ghaibat me wo sab ki khabar rakhte hain

Aale Muhammad(saw) se ulfat hum agar rakhte hain
Dushman ki har chaal par puri nazar rahte hain

Bekhauf mimber se jo haq baat byaa'n karte hain
Dar zikr Quraa'n ki ayat ka asar rakhte hai

Maula ko jo Khaliqo Raziq kaha karte hain
Wo sab yaqeenan saqeefa jaisa ghar rakhte hain

Har qaul ko maula ke hum to suna karte hain
Aqwaale Mehdi(as), hidayat ka samar rakhte hain

Rahbar kisi qaum ka batlaao kya zinda hai
Yeh Dawa Shia faqat shaamo sahar rakhte hain

Hinda ki aulaado ko yeh baat batlaao tum
Awwal se Mehdi bhi Hyder sa jigar rakhte hain

Khaliq ne aisi nazar, de rakhkhi hai Mehdi ko
Rah ke bhi ghaibat me wo sab ki khabar rakhte hain

Ashaar e Fanoos e shar,  ab bol na payega
Zeeshan bhi likhne ka achcha hunar rakhte hain

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.