Friday, May 12, 2017

raza (as) me muhammad (saw) ki kul khubiyaa hai

1.falak se utarta huwa karawaa hai
ke manjil ki janib jhuka aasamaa hai

2.saji arsh par hai, sitaro ki mahfil
teri madah karti chali kahkashaa hai

3.baharo ka mausam nazar aarahaa hai
gulo me sa'adat ka wahid samaa hai

4.Ali ibne musa ki aamad se pahle
muattar zamin hai mahakta zamaa hai

5.wiladat mubarak sabi momeno ko
imamat ka aayaa qamar aathwaa hai

6.basar zindagi kar muhabbat me aise
mare to musalmaa jiye to jaha hai

7.Ada shukr karta hu khaliq ka apne
mere dil me ishqe ali jawedaa hai

8.Ali ki nasihat khuda ki wo aayat
tu mahfil me majlis me sunta kaha hai

9.namazo me bidat ko ane na dega
ke baqi abhi deen ka paasbaa hai

10.dua me raza ko wasila banao
rasai nahi gar khuda ke yaha hai

11.tere qaul me hai fsahat balagat
razaye khuda ke liye har bayan hai

12.rakha bugz jisne bhi wo na tawa hai
raza ki muhabbat me peeri zawan hai

13.ziyarat hamari yeh karti aya hai
raza ki bhi turbat hamari jena hai

14.kahani nahi hai na yeh dasataa hai
ziyarat ka mushtaaq hindustaan hai

15.Qasidey me apne bayaa haq karo tum
yahi haqqe mehfil yahi nekiyaa hai

16.Azabe ilahi ko tu bhool baitha
zubaa par tere chugliyaa gaaliya hai

17.shuja'at,sakhawat,qana'at to dekho
raza me muhammad saw ki kul khubiyaa hai

18.wahabi ka iljaam zeeshan ke sar
lagaya hai jisne wo gandi zubaa hai

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.