Thursday, June 15, 2017

Doshe Hasan Hussain pe lasha Ali ka hai

Doshe Hasan Hussain pe lasha Ali ka hai

1. Sajde me zakhmi sar mere maula Ali ka hai
Rab ke liye yeh aakhari sajda Ali ka hai

2. Unnisawi ki shab hai qayamat ki raat hai
Bechain be qarar ghraana Ali ka hai

3. Baite khuda me ayaa tha masjid se mai chala
Bemisl kaamyabi ka na'ra Ali ka hai

4. Sar par padi hai khaak tadapte yateem hai
Uthne ko is jahaan se saya Ali ka hai

5. Sadaniyo ko kaise sambhale hasan hussain
Mazloomiyat me dooba qabila Ali ka hai

6. Rote hain jibraeel qayamat ka waqt hai
Aale nabi ke aage janaza Ali ka hai

7. Ummat ne khoob ajre risalat ada kiya
Doshe Hasan Hussain pe lasha Ali ka hai

8. Kiyonkar na aaj royenge zaaro qataar hum
Zeeshan ki zubaan pe nouha Ali ka hai

✍ Zeeshan Azmi

No comments:

Post a Comment

Your comments are appreciated and helpful. Please give your feedback in brief.